طريقة عمل الزبادي البيتي

طريقة عمل الزبادي البيتي

بدال مانشتري الزبادي من بره وبيبقي مش كامل الدسم وعليه مواد حافظه علشان يستحمل النقل والتخزين

هانعمل زيادي بيتي في بيتك بمطبخك ومن غير تكاليف عاليه وبالأدوات الموجوده عندك
طريقة عمل الزبادي البيتي

طريقة عمل الزبادى فى المنزل

الخطوة الأولي
من الشخص المضمون اللي بتتعاملي معاه هاتي كيلو لبن يكون طازج كده وبخيره
علشان طبعا إحنا عاوزين الزبادي يكون مغزي وكامل الدسم

وطبعا إتأكدي إذا كان اللبن مغشوش أم لا و إدخلي هنا علشان تعرفي إذاي تميزي

الخطوة الثانية

هاتي كوباية زبادي نوع كويس


الخطوة الثالثة
نغلي اللبن اللبن نتركه ليهدأ لكن يجب أن يكون  فاتر

الخطوة الرابعة

قلبي الزبادي جيدا جيدا حتي يصبح سائل ثم قومي بإضافته للبن الفاتر

ملحوظة:فقط أزيلي وجه اللبن لو عاوزه تعملي الزبادى منزوع الدسم

وطبعاً القشطه دي إستخدماتها كتيره جدا أوعي ترميها


قلبي اللبن مع الزبادي كويس جدا لمدة 4 دقايق في عكس إتجاه عقارب الساعة

حطيه في إناء ليه غطاء محكم أو كوبايات صغيره لها غطاء محكم أيضا

وحطية في مكان مظلم مغلق دافئ
زي فرن البوتجاز
لو إنتي في الشتا والجو برد هاتحتاجي تشغلي الفرن شويه قبل تجهيز الزبادي علشان يكون دافئ

وتابعية لحد مايصبح غليظ القوام
دلوقتي تقدري الزبادي تحطيه في التلاجة
وتستخدميه عند الحاجة
وبالهنا والشفا ياست الكل

وبكده هانبقي عملنا زبادي بيتى أجمل وأوفر وصحي أكتر ومضموووووووون



بالهناء
 

كلمات دلالية
زبادي بيتي, طريقة عمل الزبادي البيتي, خطوات سهله لتجهيز الزبادي في المنزل, زبادي بيتي, خطوات عمل الزبادي البيتى

إزاي نقدر نميز اللبن المغشوش

إزاي تعرفي اللبن المغشوش

 

في زمن البحث عن الربح ومحاولة الكسب حتي بطرق غير مشروعة كل حاجه دلوقتي بتتغش
وكلهبيحاول يحقق أقصي ربح حتي لو كان بطرق مش سليمة

فعاوزينك بقي ياست الكل تعرفي تميزي كويس المغشوش من السليم وهانبدأ باللبن

المغشوش يعني اللي مش صافي لبن ومتزود بميه

نصائح تعرفي منها اللبن إذا كان مغشوش أم لا

تجارب عملية لمعرفه اللبن المغشوش

التجربة الأولي

هاتي سطح أملس وليكن ظهر ملعقه أو سطح زجاجي 

لامسي به سطح اللبن ثم إرفعيه إن لم يلتصق اللبن بالملعقة هذا يعني أن اللبن مخفف بماء

وممكن تجربته بإصبعك السبابة لامسي به سطح اللبن ثم إرفعيه إذا لم يكن اللبن مغشوش سيتلتصق قطرة اللبن بإصبعك ولا تسقط مباشرة

التجربة الثانيه

ضعي اللبن في إناء زجاجي وسلطي  الضوء عليه إذا لا حظتي ظهور لون يميل إلي الزرقة 

فذلك يدل أيضاً علي إضافة الماء إلي اللبن
وإحزري:إذا وجدتي  لون دموي يدل علي أن الماشية مصابة بمرض إلتهاب الضرع

التجربة الثالثة
حاولي وضع اللبن بين أصابعك ثم أفركي إذا لاحظتي عدم ظهور الدسم فهذا يعني إنه مغشوش

نصيحة لكي ياست الكل

إغلي اللبن جيدا وعرضية لدرجة حرارة منخفضة فور غليانه
ثم قومي بغليانه ثانية قبل الإستخدام 

وذلك حفاظاً علي صحتك وصحة أولادك

كلمات دلالية

معرفه اللبن السليم, تمييز اللبن الجيد, التعرف علي اللبن المغشوش, معرفة اللبن المغشوش, تمييز اللبلن المغشوش, كيفية التعرف علي اللبن المغشوش

تجنب السمنه في الأطفال

سمنة الأطفال

سمنة الاطفال سائد جدا ومتواجد بنسب عاليه مما قد يؤثر نفسيا في الطفل كما ينتزع منه 

بعض أو معظم أوقات الفرح والقدره علي الأستمتاع كنظيرهم نت الأطفال زوي الوزن المعتدل

وقد تكون مؤشرا أيضا علي عدم التمتع بالصحة الجيده

لذلك سنناقش معاً أسباب السمنة عند الأطفال

وطرق فعالة لتجنب سمنة الأطفال

 وكيفية التخلص من السمنة عند الأطفال

سمنة الأطفال

أسباب السمنه

أسباب غير مرضيه

وهي تحدث في الغالب بسبب الوجبات السريعة والإكثار من تناول المعلبات والشيبسي وغيره مما قد يحتويه من سعرات حرارية عاليه ومواد حافظة

بالإضافه إلي عدم ممارسة الرياضه

أسباب مرضية

وجود مشاكل في معدل التمثيل الغذائي أووراثي أو مشاكل الغده الدرقية

لذلك سنعرض أمامك سيدتي بعض النصائح الفعاله للتغلب علي سمنة الأطفال

إستبدلي الجلوس لساعات أمام التليفزيون والأعاب الكمبيوتر بالحركة.

والنادي والزيارات العائلية لان عدم الحراك يؤثر علي معدل الحرق
ويؤدي بدوره لسمنة الأطفال

  إشتركي له في العديد من النشاطات الحركية في الأنديه -

  عوديه عند الجوع لا يلجأ للأكلات السريعة الغير مغذيه والمليئة بالمواد الحافظة -

    لكن يلجأ للفاكهه أو العصائر الطازجة   

التقليل من شراء الأطعمة الجاهزه المليئه بالسعرات الحرارية -

لتجنب السمنة عليكي تعليم الطفل الإلتزلم بمواعيد الأكل والتوقف عند الشعور بالشبع -

الإبتعاد تماما عن المشروبات الغازية-

التقليل بقدر الإمكان من المقليات-

 إستبدلي تحمير اللحوم بشويها-

قومي بإستبدال التحليات المخبوزة خصوصاً التي تحوي دهون مهدرجه ونسب-

 كبيره من السكر ب الفاكهه الطازجة والعصائر الفريش     

 تأكدي من حصول صغيرك علي كفايته من النوم والذي يعتبر عاملاً رئيسياً-

في إنتشار سمنة الأطفال    

التخلص من السمنة عند الأطفال

نرجو أن نكون أفادناكي

ب طرق فعاله للتخلص من السمنة عند الأطفال

عجة البيض بالخضروات

عجة البيض بالخضروات

 أو بيتزا أومليت البيض

بيتزا أومليت البيض

طريقة عمل عجة البيض بالخضروات الصحية الخفيفة  

لزيزه وسهله ومحبوبة 

بتنفع عشا وفطار مع القهوة الصباحية تحفففه 

هانعملها مع بعض ياست الكل بشكل البيتزا علشان يحبوها الأولاد

هانحط فيها حاجات صحية ومغذية

يلا بينا

مقادير عجة البيض بالخضروات

إتنين من حبات البطاطس مقطعة مكعبات
حبة بتنجان مقطعة مكعبات
 حبة فلفل أخضر مكعبات ومكعبات فلفل ألوان
واحده بصل متوسطة مفرومه

ثلاث حبات بيض كبار ولو بلدي يبقي ستة بيضات
ربع كوب حليب 

خليط جبن من(التشيدر.  والمودزريلا وقليل من الرومي) مبشورين
رشة ملح وفلفل إشود
قليل من الزيت للتشويح فقط
حبة طماطم ناشفه تقطع مكعبات للتزيين
بقدونس مقطع

خطوات عمل عجة البيض بالخضروات

هانقلب البطاطس في الزيت لحد مالونهم يبقي مايل للإحمرار
نضيف عليهم الفلفل والبصل ونشوحهم
هانقلب البتنجان في الزيت لحد مالونهم يبقي مايل للدهبي
نصب الخليط في طبق واسع للخلط

نخلط البيض مع الحليب والجبن المبشور والملح والفلفل الاسود ونضيفهم فوق الخضروات

نقلبهم كويس مع بعض

ممكن تقطي فيها زيتون إسود

وممكن تقطعي فيها بارضو لانشون(يفضل تكوني عاملاه في البيت صحي أكتر)و
وممكن بارضو تقطعي فيها مشروم

نصبهم في صينيه بيتزا أو صينية عاديه أو بايركس زي ماتحبي

إفرديها بسطح متساوي

نزين وجهها بمكعبات الطماطم والبقدونس

 ندخلهم الفرن من ربع الى ثلث ساعة حتى يجمد خليط البيض ويحمر الوجه.

قطعيها بقاطعة البيتزا وتتقدم ساخنه

عجة البيض

 وبالهنا والشفا ليكي ياست الكل

 يارب تكون وصفتنا عجة البيض بالخضروات عجبتك

لانشون فراخ بيتي

طريقة عمل لانشون الفراخ البيتي

لانشون الفراخ البيتي

لانشون بيتي أطعم وأحلي من الجاهز

في مطبخك ومن إيدك ياست الكل هايبقي صحي أكتر

مقادير لانشون الفراخ البيتي

نص كيلو فراخ مخلية (بانيه) بدون الجلد

ونفرمها

طريقة عمل لانشون الفراخ في البيت

كوب خبز مطحون ( بقسماط ) العيش فينو المطحون ينفع بس يكون متنشف قبلها

بيضه وحده

بهارات (فلفل اسود -ملح -كمون -بابريكا )والتوابل اللي تحبيها

ومننساش الزيتون الإسود مقطع شرائح رقيقة جدا

خطوات عمل لانشون الفراخ البيتي

نضع الفراخ والبقسماط والبيضه والبهارات في المفرمة
ولو حابة الزيتون يبقي طعم بس وميتكتلش يبقي حطيه معاهم في المفرمة

نتأكد من فرمهم كويس ويكونوا عجينه متجانسه ناعمة

نعملهم عمود زي الصورة

خدوات عمل لانشون الفراخ

ويتلفوا في ورق بلاستيك

نتأكد من شد الورق كويس جدا ولف أطرافه كما البونبون

وتثبته بسلتب علشان نتأكد إنه الخليط مكبوس بشكل متجانس جواه

وكل ماشدينا أكتر هايطلع شكل اللانشون البيتي بتاعنا أحلي وأقرب للجاهز

وبنضغط الطرفين لحد ما يبقاش فيه هواء

بعدين نلفه بورق الومنيوم

نملأ حله بميه ونحط فيها عيدان قرفه وقرنفل وحبهان وورق لوري وملح وفلفل

نحطها عالنار حتي الغليان

بعدها نحط فيها روول الانشون اللي جهزناه

 لمدة ساعة تقريبا على نار هادية

نطلعه من الميه ونسيبه ساعة لحد ما يبرد 

ندخله الثلاجة لمدة لاتقل عن 5 ساعات

وبيتقطع ترانشات بالشكل ده

لانشون بيتى

أو ممكن يتقطع مضلع بالشكل ده

خطوات عمل الانشون

زي ماتحبي طبعاً 

وبالهنا والشفا .. 

يارب نكون أفادناكم

وبالهنا والشفا ليكي ولبيتك ياست الكل

 

تقديم الانشون

الانشون البيتي

لانشون الفراخ البيتي