طريقة عمل بفتيك اللحمه بالصور

طريقة عمل بفتيك اللحمه بالصور

 البوفتيك 

أكلة خفيفة محبوبة بتنفع عشا خفيف وروعة في العزومات

كتير بتبقي ناشفة ومشدوده وصعبه في الأكل

خليكي في المضمون ياست الكل 

خليكي معانا في الخطوات و تكات بوفتيك اللحمة المظبوط

المقادير

 كيلو لحمة - 

بصله كبيره -

فص ثوم -

ملعقه صغيره خل أبيض -

ـ ملح
ـ فلفل اسود

فلفل رومي -
 ـ بقسماط
ـ بيض

قبل مانبدأ في الطريقة لازم نعرف

في الأول إن مش أي لحمة تنفع تتعمل بوفتيك
بوفتيك اللحمة بيحتاج
اللحم البتلو بتكون صغيرة و ماتاخدشى وقت فى السوا وبالذات  وش الفخدة او عرق الفلتو ودي بتكون حتة حمرا خالص مافيهاش اى جلد او دهن

  طريقة عمل بوفتيك اللحمه

 تقطعي اللحم شرائح متساوية وندقه كويس لحد مايبقي رقيق بس مش أوي  علشان مينشفش

وتنقعيها من بالليل فى خليط من مفروم البصل والتوم و الفلفل الرومى و ملح و فلفل و البهارات اللي بتحبيها و حبة قليلة من جوز الطيب وجنزبيل و ورق لورى مطحون وشوية خل  ونسيبها في التلاجه لتاني يوم

يوم التجهيز بنطلعها من التلاجه نمسحها من التتبيلة بتاعتها
و بعدين في طبق فيه دقيق و طبق فيه بيض مربوب و طبق فيه بقسماط عادى وممكن نضيفله كيس فيجيتار لكن مايبقاش كله فيجيتار

بالشوكة نعمل أخرام في شرائح اللحمة علشان تستوي كويس

نبدأ ناخد قطعة البفتيك و نغمسها فى الدقيق مع الضغط عليها بكف ايدك من الناحيتين و بعدين نغطسها فى البيض و بعدين فى البقسماط برضه مع الضغط بكف ايدك جامد عليها من الناحيتين

ممكن بعدها تقليه في زيت غزير ساخن لحد مايبقي دهبي اللون

لكن علشان إحنا بنبعد عن التحمير والقلي  هانعرف

طريقة تحضير بفتيك في الفرن

هانرص الشرائح في صينية مدهونه زيت عباد شمس.

 تغطى الصينية بورق الالومنيوم وندخلها في الفرن، تتركها لحد ماتستوي ويبقي لونها دهبي غامق

وبكده هاتبقي خفيفة وصحيه

يارب تكونوا إستفدتوا 

ممكن تقدمي الوصفه دي  ساخنة مع الخبز والبطاطس والمايونيز
 الأكل هايبقي أحلي في بيتك وفي مطبخك ياست الكل

و بالهنا و الشفا ليكي ولبيتك ياست الكل